KARME

Foto: Selina

Muller de ferro que se funde en lava,
con alma de volcán ferido, erupción de palabra
de terra e lama de bágoas,
pigmento de corazón para pintar muros
con pedazos de alma.
Artesana en bombas de dor que nas mans lle estralan.
Perfumista, chamana, voadora de risas,
Cuberta de silvas camiña co peito aberto, guerreira
da vida, de morte burlada. Alento e alas
que nos pós na mente
luz estrelada.